BIZITZA ETA JAKINTZA: febrero 2016

miércoles, 24 de febrero de 2016

Aparatuei buruzko laburpenak

Hemen daude laburtu beharreko aparailuak:

ZIRKULAZIO APARATUA

IRAITZ APARATUA

ARNAS APARATUA

DIGESTIO APARATUA

LOKOMOZIO APARATUA

UGALTZE-APARATUA

NERBIO- SISTEMA

Azken aldian gertatu diren talde arazoak ere aipatu ditugu tutoretzan.Garbi dagoena da, planginta eta antolaketa falta arlo honetara ere iritsi dela. Gauza da, ez direla ondo moldatzen beraien artean erabakiak hartzeko eta gure aldetik beraiek beraien arazoak konpondu behar dituztela esan diegula.Ezin dugu helduok etengabe bere arazoen konponketaren atzetik ibili. Beren iritzia entzun dut eta ez daude pozik GHko lan baten inguruan gertatu den arazo batekin. Gurasoen artean konpondu omen da auzia eta beraiek ez daude ados. Mesedez, eskatzen dut ahal den neurrian ikasleei uztea beren arazoak konpontzen.

Nik, nire aldetik, esan diet zenbait arlotan badutela denbora nahikoa lan horiek gelan prestatzeko. Adb idatzietan, Power pointen diseinuan, aurkezpenetan.Denbora dezenterekin esaten zaie zer egin behar duten eta nola.Klase dezente uzten zaizkie lan hori gelan burutzeko eta denbora nola aprobetxatu ere esplikatzen zaie. Garaiz ez badute bukatzen, beraien denbora galtzea da arrazoia eta orduan, nahita nahi ez etxean bukatu beharko dute.

Hori dela eta, beste mesede bat eskatzen dizuet. Egunen batean lan bat egin behar badute ikastolaz kanpo, ulerkorrak izan zaiteztela eta haiek laguntzen saiatzea inor baztertu gabe.Ez naiz ni ikastolaz kanpoko ekintzen aurkakoa, alderantziz, iruditzen zait egokia dela gauza ezberdinak egitea eta ahal den neurrian egunero; baina behin edo behin ezuzteko arazo bat gertatzen denean, egun batean solfeora, kirol anitzera, patinaiara, igeriketara, pinturara, haur txokora eta bestelako ekintzetara ez badira joaten ez da ezer gertatzen.

Horretarako, ezinbestekoa da beraiek taldeko lanaren planifikazioa egitea eta lanak egiteko denborak neurtzea . Horretan ari naiz etengabe baina kostatuko zaie. Beraiek egin beharreko lana da, ez helduek.

ETXEKO LANEN INGURUKO GOGOETA

                  Aste honetan tutoretzan etxeko lanen gaiarekin aritu gara. Jakin badakit, etxeko lan gutxi bidaltzen ditudala; baina guraso batzuen ahotik iritsi zait ikasleek etxeko lanak ez dituztela esaten dutela.EZ DA EGIA!. Beraiek oso ondo dakite egunero dagoela etxekolan bat: IKASGAI GUZTIAK EGUNERATUAK ERAMATEA ETA BERAZ, IKASTEA!
                   Horregatik, tutoretzako saioan asteko plangintza nola egiten den azaldu nien eta bakoitzak bere asteko egiaraua burutu zuen astearte arratsaldean. Gurasoen laguntza eskatzen dut plangintza hori egiten laguntzeko eta datu errealak jartzen dituztela ziurtatzeko.
                  Dena den, ikasleen autonomia bultzatze aldera, eskatzen dizuet taula horretan jartzen dutena betetzen dutela ziurtatzea eta zuen seme-alabei mesedez, agenda eguneratua izan behar dutela esatea. Interneten etxeko lanen taula egoteak ez du ziurtatzen taula hori betetzen duen ikasleak dena eguneratua daramala. Batzutan, ezinezkoa da datu horiek egunean sartzea. Eta gogorarazten dizuet ikasle bakoitzak duela bere gurasoei azterketak eta lanak noiz dituzten esateko erantzunkizuna. Beraiek badakite gelako paretean dina 3ko kalendario batean apuntatzen ditugula eta irakaslearen mahaian gure agendan noiznahi begiratu dezaketela.
                  Beraz, ez dago aitzakiarik lanak berandu entregatzeko eta etxeko lanak ez egiteko.